U fut në lokal me armë, arrestohet i riu në Durrës

Google+ Pinterest LinkedIn Tumblr +

Një 38-vjeçar është arrestuar nga policia e Durrësit për armëmbëjtje pa leje.

Policia u vu në lëvizje pas një telefonate në sallën operative, ku thuhej se në një lokal kishte hyrë një person i armatosur.

Blutë shkuan menjëherë në vendin e ngjarjes dhe i vunë prangat 38-vjeçarit A.S.

Gjatë kontrollit fizik atij iu gjet një armë zjarri pistoletë “Ekol”, të cilën e mbante pa leje.

Materialet i kaluan Prokurorisë së Durrësit për veprime të mëtejshme.

Njoftimi i policisë

Durrës

Goditet një tjetër rast i armëmbajtjes pa leje, falë bashkëpunimit me qytetarët.

Hyri në lokal me armë zjarri me vete, arrestohet në flagrancë një 38-vjeçar.

Sekuestrohet në cilësinë e provës materiale një armë zjarri pistoletë.

Shërbimet e Komisariatit të Policisë Durrës, në bashkëpunim me forcën “Shqiponjat”, pas telefonatës së marrë në sallën operative të DVP Durrës se në ambientet e një lokali ndodhej një person i armatosur, organizuan punën dhe menjëherë shkuan në adresën e dhënë nga qytetari.

Shërbimet e Policisë arrestuan në flagrancë shtetasin A. S., 38 vjeç, banues në Durrës, pasi pas kontrollit fizik të ushtruar ndaj këtij shtetasi, Policia gjeti dhe sekuestroi në cilësinë e provës materiale një armë zjarri pistoletë “Ekol”, të cilën e mbante pa leje.

Materialet i kaluan Prokurorisë së Rrethit Gjyqësor Durrës për veprën penale “Armëmbajtja pa leje”, për të cilën parashikohet dënimi deri në 7 vite burg.

Shpërndaje
Share.

Komento