U emërua nga Kajmaku, nënkryetari i Bashkisë së Vorës shkarkohet nga detyra

Gjykata e Tiranës ka pezulluar nga detyra nënkryetarin e Bashkisë së Vorës, Genti Picarin.

Picari u emërua nga ish-kryebashkiaku, Agim Kajmaku, në kohën kur ky i fundit ishte zyrtarisht i shkarkuar.

Ditën që Komisioni Qëndror i Zgjedhjeve i hoqi mandatin, Kajmaku shkarkoi dy nënkryetarët e bashkisë, duke i zëvendësuar me Picarin.

Agim Kajmaku u shkarkua nga detyra, pasi u provuan akuzat e PD, për fshehjen e një dënimi për falsifikim monedhash në Greqi.

Gjithashtu Kajmaku ka mbajtur në Greqi identitetin Jorgo Toto.

Më 12 nëntor të vitit të kaluar, Gjykata e Tiranës vendosi masën e sigurisë “Arrest me burg” në mungesë, për ish-kryebashkiakun e Vorës.

Prej tre muajsh Agim Kajmaku është në kërkim, ndërsa është futur edhe në listën e Interpol.