Lindita Nikolla do të jetë kryetarja e Kuvendit të Shqipërisë në mandatin e qeverisë “Rama 3”. Pas vendimit, Nikolla ka dhënë edhe një prononcim për mediat, ku nuk ka fshehur emocionet duke shprehur se kjo ishte një ndjesi e veçantë për të. Më tej ajo shtoi se ndihej e përgatitur dhe se kishte përgjegjshmërinë maksimale në pozicionin e kreut të Kuvendit.
Në një prononcim nga Pallati i Kongreseve për mediat, Nikolla thotë se do të punojë për të krijuar klimë pozitive dhe hapësira për opozitën në Kuvend.
Ajo thotë se është e mbushur me përgjegjësi për të përmbushur pritshmëritë e Ramës.
‘’Do punoj me përkushtim për respektimin e rregullores, për krijimin e një klime pozitive në Parlament, për krijimin e hapësirave për opozitën. E mbushur me përgjegjshmëri për të përmbushur pritshmëritë e kryetarit të PS për zgjedhjen time. Nikolla tregoi se ishte gati në kthiminn e një debati të shëndetshëm dhe të një debati etik të asaj që janë hallet dhe shqetësimet e shqiptarëve, për të monitpruar punën e qeverisë por edhe për të përcjellë të gjitha problematikat që të gjithë njerëzit kanë. Është një emocion i veçantë, nuk kam si e fsheh për përgjegjshmërinë maksimale për ta përmbushur me sukses përgjegjësia që më është caktuar,’’- tha Nikolla.
