Një shqiptar në Itali është arrestuar sërish, pas arratisjes nga burgu i sigurisë së lartë.
Ervis Markja vuante dënimin në burgun e Carinolas, nga ku u arratis 6 muaj më parë.
Më 26 maj të 2019-ës, së bashku me Adriatik Gegën, Markja preu hekurat e qelisë.
Më pas ai u zvarrit në mur me një çarçaf të improvizuar si litar.
Shqiptarit iu vunë prangat në një lokal nate në Napoli, teksa po festonte ditëlindjen e ish-të dashurës.
Ishte pikërisht identifikimi i kësaj të fundit, që çoi në arrestimin e Markjas.
Ervis Markja ishte dënuar për vjedhje me dhunë dhe kundërshtim të forcave të policisë në 2016-ën.
