U ankua për trajtim çnjerëzor, ish-i burgosuri fiton gjyqin me shtetin shqiptar në Strasburg

Google+ Pinterest LinkedIn Tumblr +

Një ish-i burgosur shqiptar ka fituar ndaj shtetit shqiptar në Gjykatën e Strasburgut.

Bëhet fjalë për Arben Strazimirin, i cili u dënua pas sulmit me thikë ndaj Ali Refatllarit, ish-shef i kardiologjisë në QSUT.

Strazimiri paditi shtetin shqiptar, pasi pretendonte se ishte trajtuar në mënyrë çnjerëzore në burg.

Ish-i burgosuri asokohe tha se e qëlloi mjekun, si pasojë e debateve të bëra, pas vdekjes së një të afërmit të tij.

Ai u arrestua dhe u dënua, por shteti shqiptar duhet t’i paguajë 15 mije euro dëmshpërblim për trajtimin çnjerëzor në burg.

Në vendimin e Gjykatës së Strasburgut, thuhet se Strazimiri është mbnë burg, ndërkohë që duhet të dërgohej në një spital psikiatrik.

Gjykata nuk e mori parasysh kërkesën e avokatit dhe e dërgoi Strazimirin në një burg normal.

Tashmë shteti shqiptar duhet t’i paguajë personit në fjalë 15 mijë euro dëmshpërblim dhe 2500 euro për kostot e gjyqit.

Shpërndaje
Share.

Komento