Kryebashkiaku i Bulqizës, Lefter Alla nuk është konsumues kokaine.
Sipas “Report Tv”, përgjigjet e analizave të gjakut dhe urinës kanë rezultuar negative.
Allës iu kërkuan mostrat e gjakut dhe urinës, pas akuzave të Partisë Demokratike.
PD akuzoi Allën për konsumim kokaine, pas publikimit të një videoje.
Tashmë që rezultatet dolën negative, avokati i Allës, Petrit Ismaili, pritet t’i drejtohet SPAK-ut brenda javës që vjen.
Vetë kryebashkiaku i Bulqizës mohoi faktin se ishte ishte ai personi që shfaqej në video.
Ai akuzoi Partinë Demokratike për montazh, ndërsa paralajmëroi se do të padisë për shpifje ish-deputetin Ervin Salianji.
Alla ndër të tjera deklaroi, se kishte dijeni që prej një viti për ekzistencën e video-montazhit.
