Edhe pse shpesh herë, Presidenti i SHBA-ve, Donald Trump, ka dalë kundër politikave të emigracionit, këtë herë ai ka lajmëruar për disa mundësi për të gjithë ata që ëndërrojnë të punojnë në Amerikë.
Gjatë ditës së djeshme, Trump tha se po bëhen ndryshime në programin H-1B, program i cili lëshon viza të përkohshme për profesione e specialitete si teknologjia apo mjekësia, apo edhe profesione të tjera.
“Bartësit e H1-B në Shtetet e Bashkuara mund të sigurohen se ndryshimet po vijnë së shpejti, të cilat do të sjellin thjeshtësi dhe siguri për qëndrimin tuaj, duke përfshirë një rrugë të mundshme për nënshtetësinë. Ne duam të inkurajojmë njerëz të talentuar dhe shumë të aftë për të ndjekur mundësitë e karrierës në SHBA”. -tha Trump në Twitter
Edhe pse nuk dha shumë detaje në lidhje me marrjen e shtetësisë amerikane, gjithsesi kjo ishte një shpresë për të gjitha ata që prej vitesh po planifikojnë të jetojnë në SHBA.
Sipas të dhënave, projekti, parashikon rritjen me 16% të numrit të përfituesve të H-1B.
