Tokio mund të futet në një qytetet më të sigurta në botë, por mbrëmjen e djeshme është tronditur nga një ngjarje e rëndë. Një automjet, tashmë i identifikuar, është futur përmes një turme e cila ishte duke festuar ndërrimin e viteve dhe ka lënë të plagosur në gjëndje të rëndë 8 persona.
Incidenti ndodhi pak minuta pasi kishte hyrë viti i ri në zonën turistike popullore, të Harajuku, afër Shrine Meiji, në Tokion qendrore.
Një zëdhënës i policisë tha se shoferi ishte ndaluar dhe transmetuesi kombëtar NHK lajmëroi se ai është arrestuar me dyshim për vrasje në tentativë. Ai u identifikua si Kazuhiro Kusakabe, 21 vjeç, nga Osaka, një qytet i madh rreth 400 km në jugperëndim të Tokios.
Fillimisht NHK e ka transmetuar lajmin si sulm terrorist, mirëpo pas verifikimeve u zbuluar se gjithçka ishte hakëmarrje ndaj vendimit për dënimin me vdekje.
“Nuk mund ta besoj, ky është një vend me të cilin jam i njohur, prandaj është shumë tronditëse”, tha Tatsuhiro Yaegashi, një punëtor 27-vjeçar në zonë.
Pamjet televizive të skenës treguan një automjet pa drita, me ngjyrë gri, të përdorur gjatë sulmit, të pozicionuar përgjatë rrugës. Pjesa e përparme e automjetit u dëmtua rëndë dhe dhjetëra policë dhe zyrtarë të shpëtimit nxituan për në vendin e ngjarjes.
I dyshuari u largua nga vendi menjëherë, mirëpo vetëm 20 minuta më vonë policia arriti që t’i vendoste prangat.
