Tronditet sërish vendi, plagosje me armë zjarri në Korçë, policia dyshon se…

Një tjetër plagosje me armë zjarri ka tronditur vendin gjatë mbrëmjes së sotme, pas një serie vrasjesh që nuk janë ndalur në 24 orët e fundit.

Policia njofton se një 33-vjeçar është vetëplagosur me armë zjarri në fundshpinë. Ai ka shkuar në Spitalin e Korçës për të kërkuar ndihmë mjekësore, ndërsa aktualisht ndodhet jashtë rrezikut për jetën. Grupi hetimor është duke punuar për zbardhjen e plotë të rrethanave të ngjarjes.

Njoftimi i policisë:

Korçë/Informacion paraprak

Më datë 11.05.2021, rreth orës 22:40, në Spitalin e Korçës, ka shkuar për ndihmë mjekësore shtetasi M. R., rreth 33 vjeç, banues në Korçë, që në rrethana ende të paqarta, dyshohet të jetë dëmtuar në fundshpinë, si pasojë e përdorimit të armës së zjarrit, i cili aktualisht ndodhet jashtë rrezikut për jetën.

Nga të dhënat paraprake, dyshohet se shtetasi M. R., mund të jetë vetëplagosur.

Grupi hetimor nën drejtimin e Prokurorisë, po vijon punën për zbardhjen e plotë të rrethanave të ngjarjes.

Kujtojmë që ditën e sotme një tjetër vrasje ndodhi në vend. Në Elbasan u ekzekutua me breshëri plumbash Everest Çaka, ndërsa mbeti e plagosur bashkëshortja e tij, Silvana Çaka. Viktima njihej me dy emra Everest (Ibrahim) Çaka, ndërsa akuzohej për vrasjen e Gëzim Alikajt në vitin 2010. Ai gjithahstu dyshohet se ishte i përfshirë në trafik droge.