Tre persona të shpallur në kërkim për veprat penale “Prodhimi dhe shitja e narkotikëve”, “Kanosje” dhe “Vjedhje” janë arrestuar këtë të shtunë në pikat kufitare të Qafë Thanës dhe Kapshticë.
Policia Kufitare e Qafë Thanës ka ndaluar 28-vjeçarin M. D., banues në Drenovicë, Berat, i dënuar me 3 vjet e 4 muaj burgim për prodhimin dhe shitjen e narkotikëve.
Po ashtu, është kapur dhe filluar procedimi për shtetasin A. D., 62 vjeç, nga Tirana, për veprën penale të kanosjes.
Ndërkohë, në pikat kufitare të Kapshticës, janë kapur dy shtetas të shpallur në kërkim: P. L., 33 vjeç, banues në Elbasan, për “Vjedhje me dhunë” dhe L. K., 28 vjeç, banues në Tiranë, për “Vjedhje”.
Të dyja rastet i janë kaluar Drejtorisë Vendore të Policisë Elbasan për procedurat e mëtejshme.
