Në Iran po vijon ceremonia mortore e gjeneralit të lartë Qasem Soleimani, i vrarë nga bombardimet amerikane në Irak.
Miliona iranianë kanë mbushur sheshet e Kermanit, vendit të lindjes së gjeneralit.
Si pasojë e trazirave gjatë ceremonisë së varrimit mësohet se janë vrarë 35 persona dhe janë plagosur 48 të tjerë.
Të dhënat janë publikuar nga televizioni shtetëror itanian.
“Për fat të keq, si rezultat i trazirave, disa qytetarë tanë humbën jetën dhe disa të tjerë janë plagosur gjatë funeralit”, tha kreu i Emergjencave Mjekësore, Pirhossein Koulivand.
Pas vdekjes së Soleimanit, Irani bëri me dije se do të vijojë me planin për prodhimin e uraniumit, duke mos respektuar kufizimet e vendosura nga 5 fuqitë e mëdha gjatë samitit të OKB.
Sipas “Al Jazzera”, Irani ka në plan 13 mënyra, për t’u hakmarrë për vdekjen e Soleimanit.
“Amerikanët duhet ta dinë se deri më tani në Këshill janë diskutuar 13 skenare hakmarrjeje, të cilët do të jenë një makth historik për to”, është shprehur sekretari i Këshillit të Lartë të Sigurisë së Iranit, Ali Shamkhani.
Parlamenti i Iranit ndërkohë po përgatit një amendament, i cili do i konsideron të gjithë ushtarët amerikanë si terroristë.
Gjithashtu Irani ka kërkuar nga OKB, që të dënojë sulmin e Amerikës, ndaj Soleimanit.
Presidenti Donald Trump nga ana tjetër, ka paralajmëruar Iranin, se nëse do të ketë sulme ndaj qytetarëve amerikanë, do të godasë 52 pika, midis tyre edhe site kulturore.
Washingtoni ndërkohë ka urdhëruar largimin e të gjithë amerikanëve nga Irani dhe Iraku, pas vrasjes së Soleimanit.
