Një grua shqiptare ka humbur jetën mëngjesin e sotëm në Itali. Ajo është shtypur nga treni i linjës Brescia-Parma në Cremona.
Sipas mediave italiane, drejtuesi i trenit ka dëshmuar se ka qenë vetë gruaja, e cila i është hedhur para trenit.
“E pashë që po vinte papritur, sikur të më priste dhe nuk mund të bëja asgjë për ta shmangur”, ka thënë drejtuesi i trenit.
Ngjarja ka tronditur banorët përreth por jo vetëm. Sipas policisë italiane, nga hetimet e deritanishme, mendohet se ka qenë një gjest i qëllimshëm nga gruaja.
