Një ngjarje e rëndë ka ndodhur në plazhin e Tales në Lezhë ditën e sotme. Rreth orës 19:30 një person ende i paidentifikuar është mbytur teksa ka qenë duke u larë.
Në vendngjarje janë shërbimet e policisë dhe grupi hetimr që po punpjnë për sqarimin e plotë të rrethanave të ngjarjes dhe për identifikimin e shtetasit që është mbytur.
Njoftimi i plotë i policisë për ngjarjen:
Lezhë/Informacion paraprak
Rreth orës 19:30, kemi marrë njoftim për një shtetas ende të paidentifikuar, i cili dyshohet të jetë mbytur në plazhin e Tales, Lezhë.
Shërbimet e Policisë dhe grupi hetimor në vendngjarje po punojnë për sqarimin e plotë të rrethanave të ngjarjes, si dhe për identifikimin e shtetasit të mbytur.
Tragjeditë në bregdetin shqiptar kanë qenë të shumta gjatë muajit të fundit, ku në jo pak raste ka pasur pushues që janë mbytur. Pak ditë më parë një 55-vjeçar u mbyt në plazhin e Velipojës, ndërsa fatmirësisht u shpëtuan dy të tjerë. Psuhuesit nuk kishin hezituar të futeshin në det edhe pse koha ishte e papërshtatshme dhe dallgët ishin të larta. Ngjarje tragjike ishte edhe mbytja e një vajze 13-vjeçare në lumin Buna në Shkodër tre ditë më parë. Ajo ishte duke u larë me familjarët kur ngjarja e rëndë ndodhi.
