Zbardhet dëshmia e mjekëve në Qendrën Shëndetësore të Manzës, lidhur me vdekjen në mënyrë misterioze të tre anëtarëve të familjes nga Gjilani. Mjekët kanë deklaruar se vdekjet kanë qenë të dyshimta dhe se anëtarët nuk kanë vdekur në të njëjtën kohë.
Sipas kolegëve të dy mjekëve, Jonuz Karaj dhe Shyqyri Beqja që po ndiqen penalisht, ata kanë respektuar protokollin dhe u kanë bërë serum dhe vitamina.Ndër të tjera mësohet se familja Haliti dy ditë para se të helmoheshin me kërpudhat, ishin interesuar në qendrën shëndetësore të Manzës për të bërë vaksinën anti-COVID, por ishte refuzuar, pasi nuk ishin pjesë e grupeve të riskut. 3 familjarët më datë 5 janë paraqitur për simptomat e helmimit.
“Janë trajtuar në Manzë. Nuk kemi bërë mjekim të gabuar, kemi ndjekur protokollin. Kemi aplikuar serum me vitamina sipas protokollit. Vdekjet janë të dyshimta dhe të hetohet pasi ato nuk kanë ndodhur të tjera njëherë, por çdo 24 orë njëri pas tjetrit duke nisur nga data 6, 7 dhe 8 maj”, thanë mjekët
Elfete 78 vjeçe, djali i saj Afrimi 56 vjeç e gruaja e tij Ferzinaze Haliti 57 vjeçe janë tre pjesëtarët e familjes nga Gjilani, të cilët humbën jetën në shtëpinë e tyre në Gjirin e Lalzit ku kishin ardhur me pushime.Ngjarja mësohet të ketë ndodhur 4 ditë më parë.
