Operacioni Forca e Ligjit i ka dërguar ditën e sotme formularin Frederik Leko Durdës dhe Arben Bërballës.
Sipas OFL, Durda është dënuar për krijim bande të armatosur, armëmbajtje pa leje, drejtim organizatash kriminale dhe falsifikim vizash kryer në bashkëpunim.
Për të njëjtat akuza është dënuar edhe Arben Bërballa.
Durdo dhe Bërballa janë dy prej të arrestuarve të operacionit “Journey Italia” në vitin 2001.
Ata u arrestuan së bashku me shefin e Policisë Gjyqësore, Sokol Koçia, për trafikun e 8 ton kokainë nga Venezuela drejt Europës.
Bërballa dhe Durdo njiheshin edhe si kokat e grupit.
Njoftimi i plotë i OFL:
OFL, 24 shkurt Vijon Operacioni Forca e Ligjit. Në zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL vijon intensivisht punën për kryerjen e veprimeve komplekse, në bashkëpunim me strukturat e tjera të Policisë së Shtetit. Në kuadër të Aktit Normativ nr. 1, datë 31.01.2020, OFL u ka dërguar kërkesat për vetëdeklarim të pasurisë, shtetasve:
F.D., banues në Tiranë, i dënuar për veprat penale “Krijimi i bandës së armatosur dhe organizatës kriminale”, “Armëmbajtja pa leje”, “Organizimi dhe drejtimi i organizatave kriminale” dhe “Falsifikimi i letërnjoftimeve apo vizave” e kryer në bashkëpunim;
A.B., banues në Tiranë, i dënuar për veprat penale “Krijimi i bandës së armatosur dhe organizatës kriminale”, “Armëmbajtja pa leje” dhe “Organizimi dhe drejtimi i organizatave kriminale”;
