Një grup shqiptaro-grek është shpërbërë nga policia e Athinës dhe Selanikut.
Ata trafikonin drogëra të forta, ndërsa shkatërrimi i bandës erdhi pas hetimeve intensive.
Mediat fqinje bëjnë me dije se janë arrestuar 4 shqiptarë dhe 3 grekë.
Operacioni është kryer nga policia helene në bashkëpunim me DEA-n amerikane.
Organizata kishte një laborator të tregtimit të drogës dhe ishte e përfshirë në shpërndarjen e kokainës.
Gjatë kontrolleve u sekuestruan 24 kg heroinë dhe dy pako me 414 g kokainë.
Dosja e tyre ka kaluar në prokurori me akuzat për “organizim kriminal” dhe “trafik droge”.
