Ndërron jetë nga koronavirusi një pacient 86-vjeçar i shtruar tek Spitali Infektiv.Pacienti 86-vjeçar nga Shkodra, po trajtohej në terapi intensive prej 12 ditësh nuk e ka fituar dot betejën me COVID-19, megjithë asistencën e madhe mjekësore.
MSH bën apel për ruajten e distancimit fizik, përdorimin e maskës dhe kujdesin e higjienës vetjake.
“Një pacient 86-vjeçar nga Shkodra, i cili po trajtohej në terapi intensive prej 12 ditësh nuk e ka fituar dot betejën me COVID19, megjithë asistencën e madhe mjekësore.
Ministria e Shëndetësisë i shpreh ngushëllime familjes së të ndjerit dhe i kujton edhe një herë qytetarëve të tregojnë kujdes me respektimin e rregullave, distancimin fizik, përdorimin e maskës, higjienën vetjake, pēr të kufizuar përhapjen e COVID19.
Nga fillimi i epidemisë, 66 qytetarë të konfirmuar me COVID19 e kanë humbur betejën me virusin e rrezikshëm”, njofton MSH.
Në përditësimin e fundit, ISHP njoftoi për 2 viktima të tjera në 24 orët e fundit, ndërsa u regjistruan 45 raste të reja të infektuara.Ndërkohë që deri më tani kanë humbur jetën 66 persona nga Covid-19 në vendin tonë.
