Një ngjarje e rëndë ka ndodhur në Itali, ku një shqiptar është arrestuar nga policia pasi ka tentuar te vrasë me thikë bashkëshorten e tij.
54-vjeçari ka goditur disa herë me thikë gruan e tij në shtëpinë e tyre në Acquaviva delle Fonti, në provincën e Barit.
Gruaja, një 43-vjeçare me origjinë shqiptare, pasi u transportua në spital, iu nënshtrua operacionit të parë dhe aktualisht ndodhet në spital, por nuk dihen detaje lidhur me gjendjen e saj shëndetësore.
Gjithashtu mbrëmjen e djeshme, karabinierët e Compagnia di Gioia del Colle arrestuan bashkëshortin, e po ashtu gjetën edhe thikën që përdori për të sulmuar të shoqen.
Ndërkohë kujtojmë se pak javë më parë, Taulant Malaj, 45-vjeç,një tjetë shqiptar në Itali, i cili vrau të bijën e tij 16-vjeçare, Xhesika Malaj, si dhe një 50-vjeçar me të cilin dyshonte se gruaja e tij kishte lidhje jashtëmartesore. Në lidhje me këtë ngjarje dolën edhe detaje më tronditëse, pasi u zbulua deklarata e Malajt në polici.
“Gruaja ime pranoi që kishte lidhje me Massimon, më kërkoi falje për këtë lidhje, por unë doja të ndahesha”, i tha Malaj prokurorit.
Sipas rrëfimit të bukëpjekësit shqiptar, ditët e fundit kishte pasur debate në familje, gjithmonë për tradhtinë e pretenduar dhe i kishte kërkuar divorcin bashkëshortes.
