Incidentet me bluzat e bardha janë duke u shpeshtuar dhe e njëjta gjë ka ndodhur e mbrëmjen e sotme, këtë herë në Durrës.
Një mjek roje është goditur me tillë nga një pacient i dehur. Sipas raportimeve mësohet se pacienti nuk kishte konflikt me mjekun, por me një pacient tjetër, i cili po ashtu ishte i dehur, dhe mjeku është futur në mes për t’i ndarë dhe në atë moment është goditur.
Mjeku Gerald Kola, i sapoemëruar në spitalin e Durrësit, ka marrë edhe ndihmën e parë mjekësore, ku gjendja paraqitet e mirë ndërkohë që policia ka nisur edhe hetimet për ngjarjen.
“Më datë 23.02.2019, rreth orës 19:30, në Urgjencën e Spitalit Rajonal Durrës, kanë shkuar shtetasit E.Sh., 33 vjeç dhe M.B., 38 vjeç, banues në Durrës, në gjendje të dehur ku janë konfliktuar dhe dyshohet se kanë goditur mjekun e Urgjencës.
Shërbimet e Policisë kanë shkuar menjëherë në Urgjencën e Spitalit dhe shoqëruan në Komisariat për veprime të mëtejshme dy shtetasit”, njofton policia.
