Një tjetër aksident është shënuar mbrëmjen e sotme në Fier, por këtë herë janë përfshirë plotë 5 automjete.
Sipas Ballkanweb, ngjarja ka ndodhur në bulevardin “Jakov Xhoxha” afërsi të Shtëpisë së të Moshuarve, e cila duhet thënë se është një rrugë mjaft e frekuentuar në lagjen “Liria”.
Deri më tani nuk raportohen dëme në njerëz, përveç dëmtimit të lehtë të drejtuesve të automjeteve. Ajo që mësohet është se disa prej automjeteve kanë qenë të parkuara dhe janë përfshirë në aksident.
Policia tashmë ka mbërritur në vendngjarje dhe është duke punuar për zbardhjen e plotë të ngjarjes dhe shkaqeve të saj.
