Tirana zbret nga froni, ja kush janë më “qeflinjtë” e Shqipërisë

Google+ Pinterest LinkedIn Tumblr +

Qarku që ka shpenzuar më shumë për argëtim për vitin 2018 është Korça.

Sipas të dhënave të INSTAT, korçarët kanë shpenzuar 3.5% të totalit, për argëtim dhe kulturë, ndërsa një vit më parë kjo shifër ishte 3.3%.

Në këtë mënyrë, qyteti juglindor ka zbritur nga froni Tiranën, e cila mbante për vite me radhë vendin e parë, shkruan “Monitor”.

Në kryeqytet shpenzimet për argëtim janë ulur nga 4.1% në 3.4%.

Ndërkohë në vendin e tretë renditet Lezha me 2.8%, e ndjekur nga Kukësi me të njëjtën shifër.

Zonat bregdetare si Durrësi apo Vlora, mesa duket nuk e kanë pasur shumë mendjen tek argëtimi.

Në Durrës shpenzimet për argëtim zbritën nga 2.9% në 1.9%, ndërsa në Vlorë nga 2% në 1.4%, duke u renditur kështu në vend të fundit.

Ndërkohë Shkodra, Elbasani dhe Fieri, shpenzojnë mesatarisht 2.2% të totalit për argëtim dhe kulturë.

Në total familjet shqiptare shpenzuarn 2.7%  të buxhetit për argëtim dhe kulturë, duke shënuar rënie nga 3%, që ishte një vit më parë.

Në raport me vendet e Bashkimit Europian, shqiptarët argëtohen shumë pak, pasi mesatarja e BE është 8.5%.

Përsa i përket rajonit, maqedonasit janë më pak qeflinj me 1.9%, ndërsa kosovarët mbajnë vendin e parë me 4.1%.

Sipas të dhënave të INSTAT, në Shqipëri pjesa më e madhe e shpenzimeve shkon për t’u ushqyer, me 44% të totalit, shifër kjo e pandryshuar nga viti i shkuar.

Për argëtim shqiptarët shpenzuar për2018-ën 150 milion euro, në krahasim me 160 milion euro të një viti më parë.

Shpërndaje
Share.

Komento