Tifoz i deklaruar i Serbisë, komentatori Kosta Grillo kap skedinë me humbjen e Shqipërisë

Google+ Pinterest LinkedIn Tumblr +

Komentatori i njohur shqiptar Kosta Grillo, u bë i njohur me deklaratën e tij në një emision televiziv, ku tha se bën tifo për Kombëtaren e Serbisë.

Kësaj here ai ka habitur të gjithë me parashikimin që i ka bërë ndeshjes Turqi-Shqipëri.

Ai ka postuar në Facebook, skedinën fituese, teksa kishte zgjedhur opsionin x-1, shkruan “Panorama”.

Ky opsion do të thotë se pjesa e parë del barazim, ndërsa në të dytën fiton ekipi vendas.

Foton Grillo e ka shoqëruar me mbishkrimin: “Ja si e parashikova ndeshjen me kardashët”.

Shuma e vendosur nga Grillo është 50 euro, të cilat e kanë bërë të fitojë 190 euro.

Komentatori skedinën e ka vendosur në Qipro, duke qenë se në Shqipëri lojrat e fatit janë të ndaluara me ligj.

Kujtojmë këtu se Shqipëria u mund dje me rezultatin 1-0, ku fitorja e turqve erdhi pas një gabimi të portierit Strakosha në minutën e 90′.

Shpërndaje
Share.

Komento