Tjetër lëkundje tërmeti në vendin tonë, ja ku ishte epiqendra

Google+ Pinterest LinkedIn Tumblr +

Një tjetër tërmet ka lëkundur vendin tonë pasditen e sotme. Sipas Qendrës Sizmiologjike Europiane (CSEM) lëkundjet kanë qenë me magnitudë 3.5 ballë.

Epiqendra e tërmetit sipas CSEM ka qenë 36 km në jug të Tiranës, 10 km në veri-perëndim të Lushnjes.

Gjatë ditës së sotme në vend ka pasur edhe disa lëkundje të tjera tërmeti. Mësohet se tërmeti më i fortë është regjistruar në Cërrik, me magnitudë 4.5 të shkallës rihter, në orën 01:26, ndërsa përgjatë gjithë natës janë ndjerë lëkundje të vogla në Belsh dhe Fier. Po ashtu mëngjesin e sotëm është ndjerë një tjetër lëkundje me magnituidë 3.3 të shkallës rihter në qarkun e Elbasanit.

Sakaq, dhjetëra lëkundje tërmeti janë ndjerë në 24 orët e fundit në vend, duke i shqetësuar të gjithë teksa po afron koha e tragjedisë së madhe të tërmetit të nëntorit.

Mirëpo, specialistët kanë qetësuar duke thënë se qytetarët nuk duhet të kenë frikë, pasi tërmetet e fundit nuk kanë lidhje me tërmetin e Durrësit.

Shpërndaje
Share.

Komento