“Ti qenke dashori i kësaj”, Bledar Toçi tregon se ç’ndodhi në shtëpinë e Marsidës

Google+ Pinterest LinkedIn Tumblr +

Bledar Toçi është shefi i sigurisë së brendshme në burgun e Durrësit, i cili u plagos, si pasojë e të shtënave në shtëpinë e Marsida Qatjas.

Ai kishte shkuar aty, pasi Marsida i kishte kërkuar ndihmë, duke qenë se e përndiqte ish-i dashuri i saj, Dritan Haxholli.

Ky i fundit u vra nga Bledar Toçi, i cili e qëlloi për vetëmbrojtje me armën e shërbimit.

Toçi u dërgua në spitalin e Traumës, ku iu komunikuar edhe masa e sigurisë ‘arrest me burg’.

“Balkanweb” ka zbardhur dëshminë e shefit të sigurisë së burgjeve.

Ai tregon se Marsida e kishte telefonuar pasdite dhe i kishte thënë se Dritani e përndiqte.

Toçi i kishte thënë se do ta ndihmonte dhe kishte shkuar në banesën e saj në Kavajë, brenda së cilës ndodheshin edhe dy miq të Marsidës, Xhuljo Biturku dhe Ermir Çela.

Më tëj ai ka rrëfyer edhe kontaktin e parë më Dritanin, i cili erdhi me kallash në dorë te shtëpia e Marsidës.

Sapo Toçi hap derën, 41-vjeçari i thotë: “Ti qenke dashnori i kësaj, prandaj u nda ajo nga mua” dhe pastaj hapi zjarr, pa pritur që të sqaroheshin.

“I thamë Marsidës se do i bënim ne presion Dritanit që të mos e shqetësonte më. Rreth mesnatës kur ai erdhi dhe me forcë po i binte derës dhe po kërcënonte shkova unë dhe ia hapa derën ndërsa Marsida me 2 shokët ishin në sallon. Sapo ia hapa derën Dritani me tha:’Ti qenke dashnori i kësaj prandaj ajo u nda nga mua’ dhe hapi zjarr direkt me automatik pa më lënë kohë që unë ta sqaroja. Menjëherë sa kam parë kallashnikovin që po e përgatiste për qitje jam shmangur por nga breshëria u plagosa. Për vetëmbrojtje reagova dhe qëllova vetëm një herë”, ka deklaruar ai.

Shpërndaje
Share.

Komento