Deputeti socialist, Pandeli Majko, e ka quajtur të paprecedentë thirrjen e presidentit Ilir Meta për tubim më 8 dhjetor.
I pyetur nga mediat, Majko tha se nuk është koha për tubime, kurse 8 dhjetori i takon një situate të caktuar.
Sipas socialistit, Meta duhet të ulë palët në tavolinë dhe jo të bëhet palë.
Më tej ai shtoi se në vendet e tjera perëndimore, nuk ekziston ky precedent.
“Nuk është koha për tubime, 8 dhjetori i takon një situate të caktuar. Presidentit i duhet të ulë palët në tavolinë dhe jo të bëhet palë. Nuk e kuptoj të dalë presidenti nëpër Shqipëri dhe të bëjë miting. Nuk di të ekzistojë ky precedent në vende të tjera perëndimore ku ne aspirojmë.” tha Majko.
Kujtojmë këtu se Meta gjatë ditës së sotme u bëri thirrje shqiptarëve, që të mblidhen në sheshin “Demokracia” më 8 dhjetor.
Sipas presidentit, ka ardhur koha, që partitë të vihen në presion nga populli.
