Ditën e sotme Kryetari i PD-së, Sali Berisha është shprehur se Edi Rama i ka ditët e numëruara në pushtet. Nga Këlcyra, Berisha theksoi se kryeministri heshti për vrasjen e 4 grave brenda pak ditësh në Shqipëri. Ai u kërkoi grave dhe vajzave të ngrihen pasi nuk kanë qenë kurrë më të rrezikuara në histori se sa tani.
“Çdo votë në drejtimin e gabuar është vota për rtegjim absolut. Askush s’ka të drejtë të ankohet më nëse voton Rama i ka ditët e numëruara në pushtet. Gratë dhe vajza duhet të ngrihen fuqishëm. Kurrë në histori nuk kanë qenë më të rrezikuara. 3 gra vriten brenda 2 orëve në Tiranë, tjetra merret peng, sillet nga Gjermani e mbahet peng në Tiranë, tjetra vritet në banak duke u shërbyer klientëve.
E keni dëgjuar këtë kryeministër të shprehet ndonjëherë. Madje thotë rendi është më i mirë se kurrë. Është një mizogen që s’ka shok në Shqipëri e Evropë. Mu bë qejfi kur emëroi gjithë ato ministre dhe ua kam thënë në Parlament atyre “jeni si bodygaurd të Gadafit, sepse ato duhet t’ju përfaqësonin ju në radhë të parë, femrën, gruan, nënën shqiptare. Ai del e flet fjalë që s’mund ti thotë kurrë një njeri para kameras dhe ato buzëqeshin. Njëra i thotë Zeus, tjetra brand-i, tjetra gjeniu. Është mizogen, nuk po them si sillet në mbledhje të qeverisë, se nuk shkon ta bëjmë në këtë mënyrë. Ju garantoj se politikan më i përfolur në Shqipëri për dhunë ndaj femrave në familje e qeveri, s’ka ekzistuar dhe s’do ekzistojnë. Pse të lejojmë ne një kryeministër të tillë.”
