Një ngjarje e rëndë, ku është përfshirë një shqiptar ka ndodhur në Zvicër.
Shqiptari 27-vjeçar ka vrarë një grua,55 vjeç, duke e therur me thikë në Gjenecë.
Policia ka gjetur disa orë më vonë trupin e pajetë të viktimës, e cila ishte qëlluar disa herë me thikë.
Pas ngjarjes, i riu u arratis në Itali, por u kap nga karabinierët, pasi ishte shpallur në kërkim nga shteti zvicerian.
Ai u arrestua në një ambulancë në Milano ku kishte shkuar të merrte ndihmën e parë.
27-vjeçari kishte plagosur njërën dorë gjatë vrasjes së kryer.
Mendohet se ai është ndihmuar nga një shqiptar tjetër për tu arratisur.
Lajmërimi u bë nga Interpoli i Zvicrës.
I riu kishte precedentë të mëparshme kriminale për shpërndarje të lëndëve narkotike.
Nuk është bërë i ditur ende identiteti i tij dhe as motivet e ngjarjes.
