Ish- e përndjekura politike, Ajtanga Lubonja, ka komentuar debatin mes kryetares së LSI, Monika Kryemadhi dhe gazetarit Carlo Bollino.
Këta të fundit po akuzonin njëri-tjetrin për burimin e pasurisë.
Kryemadhi gjatë debatit tha se pasurinë ia kishte lënë trashëgim i ati.
Në reagimin e saj, Lubonja ka kujtuar kohën, kur ajo së bashku me nënën e Kryemadhit, shisnin qepë në Qytet Studenti.
Për këtë arsye Lubonja kishte shpërthyer në të qeshura, kur kishte dëgjuar versionin e Kryemadhit për burimin e pasurisë.
“Vendosa te buzeqesh edhe une! Lotet,ulerimat,vuajtjet…me prune deri ketu ne mes te asgjese! Kure isha e re dhe kisha endra,nje komshije plake theshte gjithemone “lutuni Zotit t’ku japi pese pare mend,sa te lidhni ushkuret,te tjerat t’ja ju ja japi fat! Sa fjale te mencura paska thene! Mundohu sa te duash,mundohu te punoshme ndershmeri,jo jo pa fatin dhe pisllekun nuk fitoke gje! Keto dite qe fle e zgjohem ne nje shtepi te vertete,me duket nga momenti ne moment…mbaroi filmi, dil me rruge te madhe! Pse nuk ndodh!? Ne nje portal pashe Moniken me Carlo Bolinon qe ziheshin per ndershmeri!Monika i thesh qe une e pasur u bera nga babai,qesha se mu kujtua kure shisnim qepe une e Fatimja (nena e Monikes)ne Q.S! Jo moj cupe i thashe nga ekrani,ti u bere e pasur kure tu be burri Kryeminister! Po sa para ben…keto jane thene e ster thene,ato po asaj gozhde i bihen”, shprehet Lubonja.
Kjo e fundit ka komentuar edhe vendimin e gjykatës për dënimin me 1 vit burg, të ish-deputetit demokrat, Ervin Salianji.
Lubonja e ka quajtur Salianjin, një buburrec që është përdorur dhe u bë politikan nga hiçi.
Më tej ish-e përndjekura ka shprehur dëshirën që radha e të dënuarve nga politika të vazhdojë, si nga e majta dhe e djathta.
“Nuk pata nerva te degjoj Salinjanin…jane bubureca qe perdoren (pastaj i bije te luash koke a pil)! Nga hici u bene politikane bizesmene …dhe tani ne burg! Ah te kete te vazhdoje rradha,jane shume nga e majta e nga e djathta!Une buzeqesha njehere…ju pershendes!!!”, përfundon Lubonja.
