Duke nisur nga sot terminali i autobuzëve të Jugut dhe Veriut do zhvendoset në zonën e njohur si “Kthesa e Kamzës”.
Ky ndryshim është bërë menjëherë pas rinisjes së punimeve për projektin e ‘Unazës së Re’.
Kreu i Bashkisë së Tiranës, Erion Veliaj, e kishte njoftuar këtë spostim që në mbledhje e Këshillit Bashkiak, më 3 janar.
Kështu, mëngjesin e sotëm të gjithë autobusët e këtyre linjave janë vendosur në terminalin e ri provizor..
Tani terminali i ri do të jenë në shërbim të 43 linjave të zonës së jugut dhe 20 linjave të zonës së veriut.
Ndërkohë Bashkia e Tiranës ka marrë masat për lehtësimin e lëvizjes së qytetarëve brenda qytetit përmes transportit urban.
