Tërmeti që riktheu frikën, sizmiologu qetëson shqiptarët: Nuk do të ketë lëkundje me magnitudë të lartë

Google+ Pinterest LinkedIn Tumblr +

Tërmeti 3.6 ballë me epiqendër në Bubq gjatë natës së kaluar, ka rikthyer frikën tek qytetarët.

Sizmiologu Llambro Duni, në një intervistë për “News24” ,është shprehur se nuk ka asgjë për t’u shqetësuar.

Ai sqaron se pasgoditjet e tërmetit të 26 nëntorit do të vazhdojnë edhe për disa muaj.

Sipas Dunit, lëkundje me magnitudë të lartë nuk do të ketë më.

Është në kuadrin e pas lëkundjeve. Tërmeti i 26 nëntorit, në madhësinë që ka pasur, do të shoqërohet me pasgoditje, që do të vazhdojnë për disa muaj. Kjo e natës së kaluar është e kësaj natyre, kështu që mendoj se nuk ka vend për t’u shqetësuar. Kjo ngjarje e fortë do të pasohet me ngjarje shumë herë më të vogla, ndonjëra prej të cilave edhe do të ndihet. Jam i bindur që nuk do të ketë ngjarje me magnitudë më të lartë, do të ketë ngjarje me magnitudë më të vogël”, tha sizmologu.

Kujtojmë këtu se tërmeti i 26 nëntorit la pas 51 viktima dhe qindra të plagosur.

Mijëra banorë janë duke qëndruar nëpër çadra dhe kontenierë, ndërsa rindërtimi dhe riparimet nuk kanë filluar ende.

Shpërndaje
Share.

Komento