Tërmeti i 26 nëntorit shkaktoi dëme kolosale në ekonominë e vendit.
Përveç 51 jetëve të humbura, shumë godina kanë dalë jashtë funksionit, duke përfshirë edhe institucionet.
Drejtoria e Doganave në Tiranë nuk është kursyer nga tërmeti, i cili ka shkaktuar dëmtime serioze në godinë.
Drejtuesit e këtij institucioni kanë marrë masa për zhvendosjen e punonjësve në godina të tjera.
Drejtoria e Doganave bën me dije se serverat janë zhvendosur pranë zyrave të AKSHI-t.
Gjithashtu të gjitha degët doganore kanë funksionuar me kapacitete të plota.
