Pllakat dhe mikropllakat tektonike në Mesdhe nuk po gjejnë qetësi, prandaj kohët e fundit ka pasur jo pak lëkundje sizmike në zonat e Mesdheut Jugor.
Një tërmet ka rënë mesditën e sotme në detin Egje, afër ishullit Nisyros të Greqisë, që ka dhe një vullkan brenda territorit.
Deri tani nuk janë raportuar dëme materiale apo të plagosur në njerëz, nga lëkundjet që kanë përfshirë disa nga ishujt grekë në Egje.
Por autoritetet kanë aktivizuar gjithsesi protokollin për vullkanin në Nisyros, pasi prej lëkundjeve mund të aktivizohet.
Greqia kohët e fundit është goditur nga disa tërmete në zona të ndryshme të vendit, por lëkundjet dhe dëmet nuk kanë qenë serioze.
/GazetaReforma.com/
