Policia kufitare në Kapshticë ka proceduar penalisht 19 persona.
Gjithashtu janë kthyer mbrapsh 297 shtetas shqiptarë, të cilët nuk plotësonin kushtet e udhëtimit.
Konkretisht sipas policisë:
-12 raste të falsifikimit të vulave në pasaporta, të cilat janë sekuestruar në cilësinë e provës materiale.
– 5 raste të “Kalimit të paligjshëm të kufirit shtetëror”.
– 1 rast për “Ndihmë për kalim të paligjshëm të kufirit shtetëror”.
-1 rast për “Kundërshtim të punonjësit të policisë”.
Ndërkohë 4 persona kanë tentuar t’i shmangen kontrollit policor, duke dhënë identitet të rremë.
Me masë administrative janë proceduar 76 shtetas shqiptarë dhe 6 të huaj, për thyerje të dispozitave të ligjit për kontrollin kufitar.
Njëkohësisht janë kapur 920 shtetas të vendve të treta, të cilët tentuan të kalonin ilegalisht.
Puna për parandalimin e krimeve ndërkufitare dhe goditjen e paligjshmërisë do të vijojë edhe gjatë muajit mars me intensitet.
