Një ngjarje e rëndë ka ndodhur sot në qytetin e Vlorës. Paraditen e ditës së enjte, në vendin e quajtur “Ish Uzina e Llampave”, 59-vjeçari me inicialet Y. B., teksa ka tentuar të lidhë sërish disa kabllo elektrike të këputura në oborrin e banesës së tij, ka rënë në kontakt me rrymën elektrike dhe ka ndërruar jetë në vend.
Grupi hetimor ndodhet në vendngjarje dhe po punon për përcaktimin e rrethanave që sollën edhe vdekjen e shtetasit 59-vjeçar. Në informacionin paraprak të publikuar nga policia e shtetit, thuhet se ngjarja ka ndodhur rreth orës 09:50 të paradites.
Njoftimi i Policisë:
Vlorë, informacion paraprak – Rreth orës 09:50, në vendin e quajtur “Ish Uzina e Llampave”, shtetasi Y. B., 59 vjeç, duke tentuar të rilidhë disa kabllo elektrike të këputura, në oborrin e banesës së tij, dyshohet se ka rënë në kontakt me rrymën elektrike dhe për pasojë ka ndërruar jetë. Grupi hetimor ndodhet në vendngjarje dhe po punon për përcaktimin e rrethanave të ngjarjes”, shkruhet në njoftimin paraprak të Policisë së Shtetit.
Me anë të një njoftimi të dytë më të detajuar që pritet të publikohet nga Policia e Shtetit, mund të mësojmë edhe më shumë rreth ngjarjes tragjike që i ka ndodhur 59-vjeçarit në Vlorë.
