Gjykata e Kavajës ka lënë në burg gardianin e Rrogozhinës, Pëllumb Sinanaj.
Ky i fundit tentoi të fusë në ambientet e burgut, disa doza me kanabis.
Gjykata e pranoi kërkesën e Prokurorisë dhe e shpalli fajtor 29-vjeçarin për akuzat, “Prodhim dhe shitje e lëndëve narkotike” dhe “Futja ose mbajtja e sendeve të ndaluara në IEVP”.
Pëllumb Sinanaj u arrestua në flagrancë mbrëmjen e 8 nëntorit.
Pas arrestimit në flagrancë, policia ushtroi kontrolle edhe në ambiente të tjera, që përdoreshin nga gardiani, për ruajtjen e lëndës narkotike.
Në kasafortën e burgut, ku ai mbante sendet personale, u gjetën 19 doza kanabis, ndërsa në banesën e tij, u sekuestruan 46 doza të tjera.
Sinanaj ka vendosur të mos e apelojë vendimin e Gjykatës.
