Tensionet mes Rusisë dhe Ukrainës ende nuk janë zbehur siç duhet, teksa ushtarët e të dyja shteteve janë në gatishmëri për çdo lëvizje të dyshimtë që mund të sjellë luftë.
Për konfliktin mes këtyre dy shteteve ka reaguar presidenti amerikan Joe Biden ka mbajtur një konferencë për shtyp nga Shtëpia e Bardhë. Presidenti i Amerikës foli ai ishte situata në kufirin mes Ukrainës dhe Rusisë. Biden ka theksuar gjatë fjalës së tij se SHBA, është e përgatitur për të gjitha skenarët.
Presidenti amerikan:
Shtetet e Bashkuara janë të përgatitura, pavarësisht se çfarë ndodh. Ne jemi të gatshëm me diplomaci, të angazhohemi në diplomaci me Rusinë, aleatët dhe partnerët tanë për të përmirësuar stabilitetin dhe sigurinë e tërë Evropës. Dhe ne jemi të gatshëm t’i përgjigjemi me vendosmëri sulmit rus për Ukrainën, i cili ende është shumë i mundshëm. Gjatë gjithë javëve dhe muajve të fundit kjo ka qenë qasja jonë dhe ashtu do të mbetet.
Biden iu drejtua qytetarëve rusë dhe i paralajmëroi ata se do të ishte një “luftë e përgjakshme, shkatërruese” kundër Ukrainës.
Biden:
Për qytetarët e Rusisë, ju nuk jeni armiku ynë. Nuk besoj se ju dëshironi një luftë të përgjakshme shkatërruese kundër Ukrainës, një vendi dhe populli me të cilin ndani lidhje kaq të thella të historisë dhe kulturës familjare.
