Rikthimi i opozitës në Kuvend solli tensione gjatë seancës së sotme plenare. Kryeministri Edi Rama mbajti një fjalim të shkurtër, duke ia lënë radhën kryetarit të PD-së, Lulzim Bashës, pasi deklaroi se do të vazhdojë dialogun me studentët.
Por sapo përfundoi së thëni këto fjalë, Rama u tentua të qëllohej me vezë nga deputeti i PD-së, Endri Hasa. Edhe deputeti Gent Strazimiri u ngrit nga karrigia, por ndërhyri menjëherë garda.
Pas kësaj situate kreu i qeverisë kërkoi që deputeti të nxirrej jashtë, ndërsa kryetari i Kuvendit, Gramoz Ruçi, e përjashtoi nga seanca dhe vendosi ndërprerjen e saj.
Ndërkohë jashtë godinës së Parlamentit vijon protesta e studentëve, që kërkojnë plotësimin e tetë kërkesave të tyre. Opozita vendosi sot të rikthehej sot në Kuvend me arsyen për të mbështetur studentët.
