Vijon të rritet numri i rasteve të reja me Covid-19, pasi News 24 raporton se janë identifikuar edhe 2 raste të reja në Mat.
Kështu, numri total i të infektuarve në këtë qytet është rritur në 8 teksa pritet përditësimi i të dhënave nga Ministria e Shëndetësisë.
Sipas informacioneve paraprake, bëhet me dije se dy rastete e reja janë prej një familjeje që rezultoi e infektuar një ditë më parë, por ende nuk dihet nëse kanë patur kontakte me persona të tjerë.
Më herët këtë mëngjes u raportua se edhe në qytetin e Librazhdit është identifikuar rasti i parë me Covid-19, pasi qyteti është zonë e gjelbërt.
Mësohet se bëhet fjalë për një shitës, i cili ka qenë çdo ditë në tregun e qytetit, por ende nuk dihet me sa persona ka patur kontakte.
Deri më tani janë prekur 1099 persona në të gjithë vendin dhe janë shënuar 33 viktima, teksa betejën me Covid-19 e kanë fituar 851 qytetarët.
Dje rezultuan të infektuar 23 persona, teksa harta u zgjerua me 12 raste në Tiranë, 6 në Mat, 1 në Durrës dhe 4 në Lushnje.
Sakaq, 57 mjekë dhe infermierë të QSUT-së kanë kryer testin dhe kanë rezultuar negativë.
