Dy shtetas shqiptarë, të kërkuar nga autoritetet greke dhe belge, janë arrestuar nga policia greke gjatë përpjekjes për të kaluar kufirin nga Shqipëria në Greqi.
Bëhet fjalë për një 67-vjeçar, për të cilin ishte lëshuar një urdhër-arresti nga Gjykata e Shkallës së Parë të Pireut për akuzën e “vrasjes së mbetur në tentativë”.
Po ashtu, një 48-vjeçar shqiptar, i cili ishte nën hetim nga autoritetet belge për “pengmarrje nën kërcënimin e vrasjes” dhe “gjobvënie në bashkëpunim me kërcënim arme”, u arrestua gjithashtu. Të dy u kapën gjatë hyrjes në Greqi.
