Komisioneri i zgjerimit Johannes Hahn, në një status në rrjetet sociale, thekson se Shqipërisë dhe Maqedonisë së Veriut do t’i hapen bisedimet.
“Një ‘Jo’ për hapjen e bisedimeve të pranimit mund të destabilizojë Ballkanin. Jemi për të rritur besueshmërinë e BE-së”- thotë Hahn në statusin e tij.
I menjëhershëm ka qënë reagimi i kryetarit të Grupit Parlamentar të Partisë Socialiste, Taulant Balla ku ka theksuar se kjo është mbështetja më e rëndësishme për stabilitetin dhe progresin e Ballkanit Perëndimor.
“E vërtetë. Hapja e bisedimeve të anëtarësimit në BE me Shqipërinë dhe Maqedoninë e Veriut është një mbështetje e rëndësishme për stabilitetin dhe progresin e arritur në Ballkanin Perëndimor,”- shkruan Balla në Twitter.
