Mbështetësit e Shqipërisë për hapjen e negociatave në Bashkimin Evropian duket se vazhdojnë të jenë po ata dhe një prej tyre ka qenë padyshim edhe Tanja Fajon.
Zv/Presidentja e Grupit të Socialistëve dhe Demokratëve në Parlamentin Evropian duke uruar Kongresin e Partisë Socialiste ditën e sotme, ka thënë gjithashtu se Shqipëria e meriton t’i jepet një dritë jeshile për çeljen e negociatave.
Megjithatë sipas Fajon gjithçka mbetet për t’u para fillimisht Parlamenti i ri Evropian dhe më vonë vendosja e interesave që do të sjellin politikat e zgjerimit.
“Dy muaj para zgjedhjeve evropiane ne po përballemi me sfida të shumta. Rasti Brexit mbetet i pazgjidhur duke lënë në pikëpyetje nëse zgjedhjet evropiane do të mbajnë Britaninë e Madhe në BE pa një përgjigje të qartë. Ne jemi duke u ballafaquar me pretendimet e ekstremistëve të djathtë dhe politikat e ideologjisë së djathtë në disa vende.
Mbetet për t’u parë se si do të duket Parlamenti i ri Evropian dhe çfarë interesash do të sjellin në politikat e zgjerimit. Mbështesim fuqishëm hapjen e negociatave me BE-në dhe sinqerisht shpresoj se kjo gjë do të ndodhë brenda dy muajve. Besoj se Shqipërisë meriton ti jepet një dritë e gjelbër për fillimin e negociatave për pranimin në Bashkimin Evropian këtë vit” thotë Tanja Fajon.
