Kreu i Partisë së Lirisë Ilir Meta zhvilloi një takim me Sali Berishën pas rezultatit të zgjedhjeve në Rrogozhinë. Pas takimit Meta deklaroi për mediat në lidhje me zgjedhjet në PD-në zyrtare ku pritet që Basha të rimarrë drejtimin, se demokratët dhe opozitarët të jenë atje ku duhet, në vijën e parë të ballafaqimit me këtë qeveri.
“Për të bashkëpunuar dhe më shumë dhe me të gjitha zhvillimet e reja dhe me fillimin e sezonit të ardhshëm parlamentar. Ne gjithmonë kemi qenë dhe jemi për mbështetjen e protestave, jo vetëm të iniciuara nga PD-ja apo partitë opozitare, por edhe nga qytetarët dhe padyshim që dhe rruga e protestave është një rrugë e domosdoshme, ku e gjithë shoqëria duhet të shprehë ndjeshmërinë e saj për këtë situatë dramatike të korrupsionit dhe kapjes së shtetit. Vendimi ynë është pa asnjë diskutim përshkallëzimi i luftës kundër korrupsionit. Vazhdim pa ndërprerje i angazhimit tonë për të denoncuar aferën e djegësve, që vazhdon çdo ditë. Vendosjen para drejtësisë të përgjegjësve për aferën. Asnjëherë nuk kam shqetësim në raport të Ilir Metës me drejtësinë. Problemi i shqetësimit kryesor është se paratë e qytetarëve digjen lumë nga korrupsioni. Përgjegjësinë për aferën e inceneratorëve e ka ai që vazhdon akoma garantimin e kësaj afere.”, tha ai.
Të dielën zgjidhet kryetar i PD Basha, cili është komenti juaj?
Meta: Ishte një takim shumë i frytshëm me liderin e Partisë Demokratike dhe uroj dhe besoj se demokratët dhe opozitarët të jenë atje ku duhet, në vijën e parë të ballafaqimit me këtë qeveri.
