Mëngjesi i së premtes në Lezhë nisi me një incident të rëndë, i cili i mori jetën një 53 vjeçari. Viktima i identifikuar si Spas Milloshi, teksa po e frynte në rrugë gomën e kamionit, kjo e fundit ka plasur duke i marrë kështu jetën, si pasojë e presjonit të lartë atmosferik.
Ngjarja ka ndodhur në aksin rrugor Lezhë-Milot, ndërsa mësohet se Milloshi ishte pronari i gomisterisë ku ndodhi ngjarja.
Policia ndodhet në vendin e ngjarjes dhe po nis hetimet në lidhje me rastin.
“Rreth orës 08:30, në një servis automjetesh në afërsi të Kryqëzimit të Spitenit, shtetasit S. M. 53 vjeç, gomist pranë servisit, duke punuar, i ka shpërthyer një gomë automjeti, e për pasojë ka humbur jetën. Grupi hetimor në vendin e ngjarjes vazhdon veprimet hetimore për sqarimin e plotë të rrethanave të ngjarjes”- njofton policia.
Ndërkohë që vit ii ri 2023 nuk ka nisur mbarë s ai përket aksidenteve jo vetëm në punë, por edhe atyre rrugore. Vetëm në tre ditët e para të këtij viti, janë regjistruar 24 aksidente. Sipas Skënder Bratajt, Drejtorit të Urgjencës Kombëtare, kthimi i emigrantëve për festat e fundvitit ka bërë që të shtohet numri i njerëzve dhe makinave, si rrjedhojë dhe aksidenteve.4700 thirrje për ndihmë janë regjistruar në urgjencë, ka konfirmuar Brataj.
