Në një kohë që shqiptarët po emigrojnë masivisht drejt Britanisë së Madhe, kryeministri Sunak ka prezantuar planin se si të luftohet ky fenomen.
Kryeministri i Mbretërisë së Bashkuar, Rishi Sunak, gjatë prezantimit të planit me 5 pika për të luftuar emigracionin e paligjshëm u shpreh se pothuajse një e treta e azilkërkuesve në vendin e tij janë nga Shqipëria.
Kyreministri i Mbretërisë së Bashkuar, Rishi Sunak, gjatë prezantimit të planit me 5 pika për të luftuar emigracionin e paligjshëm u shpreh se pothuajse një e treta e azilkërkuesve në vendin e tij janë nga Shqipëria.
Pothuajse një e treta e azilkërkuesve janë nga Shqipëria. Njerëzit e ardhur duhet të kthen mbrapsht. Të gjithë shqiptarët e mbetur të largohen shpejt”, thotë ai, raporton “The Guardian”.
Ai u shpreh se Shqipëria është një vend i sigurt dhe i qëndrueshëm ekonomikisht ndaj sipas tij ndryshimet në sistem do të çojnë në refuzimin e kërkesës për azil nga ana e shqiptarëve.
Kryeministri nënvizoi se kjo dhe ndryshime të tjera duhet të çojnë në shpalljen e pabazë të “shumicës dërrmuese” të pretendimeve nga Shqipëria dhe kjo do të çojë në kthimin e të gjithë emigrantëve shqiptarë,
Plani i Mbretërisë së Bashkuar me pesë pika, lexuar nga Rishi Sunak:
Së pari, ne do të vendosim oficerë të Forcave Kufitare në aeroportin e Tiranës për herë të parë duke ndihmuar në goditjen e krimit të organizuar dhe ndalimin e njerëzve që vijnë këtu ilegalisht.
Së dyti, ne do të nxjerrim udhëzime të reja për punonjësit tanë të çështjes dhe do ta bëjmë të qartë se Shqipëria është një vend i sigurt.
Së treti, një nga arsyet pse ne luftojmë për të larguar njerëzit është sepse ata shfrytëzojnë padrejtësisht sistemin tonë modern të skllavërisë.
Pra, ne do të rrisim ndjeshëm pragun që dikush duhet të plotësojë për t’u konsideruar si një skllav modern. Për herë të parë, ne do të kërkojmë që një punonjës i rastit të ketë prova objektive të skllavërisë moderne dhe jo thjesht një dyshim.
Së katërti, ne kemi kërkuar dhe kemi marrë garanci zyrtare nga Shqipëria që konfirmojnë se do të mbrojnë viktimat e vërteta dhe njerëzit në rrezik të ritrafikimit, duke na lejuar të ndalojmë dhe kthejmë njerëzit në Shqipëri me besim dhe në përputhje me ECAT [Komunitetet Evropiane kundër Trafikimit].
