Ditën e djeshme brenda PD-së zyrtare pati një sërë zhvillimesh të tensionuara që përfshinë edhe përplasjet fizike dhe presionin ndaj deputeteve. Ndërkohë që deputeti i Partisë Demokratike e akzuon ish-kryetarin Lulzim Basha si nxitës të konfliktit dhe dhunës. Sipas tij, Basha nuk është larguar asnjëherë nga PD, përveçëse ka përdorur truke për t’u zvarritur. Ai madje i referohet Bashës duke e cilësuar si një lëngaraq në raport me Ramën dhe si një ‘gangster’ me demokratët që e mbështetin.
POSTIMI I PLOTË
Langaraq me Ramën, gangster me demokratët që e mbështesin!
Siç e kam paralajmëruar prej më shumë se një viti LB nuk është larguar asnjë ditë, ka përdorur truke për t’u zvarritur pavarësisht se nuk ka as mbështetje, as elektorat dhe as parti!
E vetmja risi nga e djeshmja ishin pamjet e dhunshme! Pamjet me dhunë verbale, presion, shantazh dhe fyerje ndaj deputetëve të PD që mendojnë ndryshe, por që e kanë mbështetur maksimalisht LB tregojnë katandisjen e një njeriu që u mbështet si shpresa e PD dhe përfundoi në fatkeqësinë e demokratëve!
Dhuna e inspiruar nga LB ndaj demokratëve bëhet dhe më e rëndë kur mendon që për 10 vite me radhë sjellja ndaj Ramës dhe bandave të tij ka qenë prej të përuluri si langaraq!
Sjellja prej despoti, tentativa për pronësinë e kolibes, dhuna, gjuha dhe veprimet bien ndesh me vlerat perëndimore dhe euroatlantike, përfaqësojnë hiç më pak se putinizimin e kulturës politike!
Demokratët duhet të ndahen me forcë nga kjo sjellje që po vazhdon të dëmtojë shpresat e demokratëve dhe të shoqërisë!
