Ditën e djeshme, me rastin e përvjetorit të Pavarësisë së SHBA-së, një sulm me armë ka ndodhur në paradën festive që që po mbahej në qendër të qytetit Highland Park, në Illinois. Bëhet me dije se si pasojë e sulmit, humbën jetën 6 persona, teksa 36 të tjerë mbetën të plagosur.
Ndërkohë që policia amerikane ka arritur të arrestojë 22-vjeçarin Robert E. Crimo, i dyshuar për vrasjet masive në paradën e Chicagos. Sulmuesi kishte hap zjarr nga çatia e një ndërtese, ku filloi të qëllojë mbi civilët në paradë.
Ai ishte ngjitur në kulmin e ndërtesës përmes disa shkallëve të drurit. 22-vjeçari i identifikuar si Robert E. Crimo tashmë ndodhet në paraburgim.
BREAKING: New video in showing the apparent arrest of Crimo in Lake Forest. 🎥: Ryan Lerman@ABC7Chicago pic.twitter.com/RjIjTF3Z4y
— Tre Ward ABC 7 (@TreWardTV) July 4, 2022
Vlen të theksojmë se parada e 4 korrikut e zhvilluar me rastin e Pavarësisë në parkun Highland, është ndalur në mënyrë të befasishme kur u dëgjuan të shtënat e armëve, vetëm 10 minuta pas fillimit të saj.
Fox News raporton se autori i dyshuar i ngjarjes Crimo, ka pasur të paktën katër armë, për të cilat mësohet se ka pasur leje që t’i mbante, duke përfshirë edhe pushkën gjysmë-automatike AR-15 dhe revolen. Policia e rrethoi veturën e tij dhe Crimo doli jashtë me duart e ngritura lart, siç edhe mund të shihet në videon e publikuar më poshtë, shkruan BBC.
