Mbrëmjen e djeshme në Moskë u vranë mbi 143 persona dhe qindra të tjerë u plagosën nga një sulm terrorist me armë.
Lidhur me këtë ngjarje tragjike ka reaguar presidenti rus Vladimir Putin, i cili ka folur për herë të parë pas sulmit tragjik që ndodhi në Moskë duke quajtur të shtënat e mbrëmshme një “sulm terrorist të përgjakshëm dhe barbar”
Ai theksoi se të dyshuarit “u përpoqën të arratiseshin drejt Ukrainës”, ndërsa shpalli ditë zie për nesër dhe shprehu ngushëllimet familjeve të të vrarëve në sulm.
“Të gjithë ata që e kanë planifikuar dhe ekzekutuar këtë operacion do të ndëshkohen. Terroristët, vrasësit mund të presin vetëm një gjë, vetëm dënimin,” theksoi Putin. “Të gjithë sulmuesit janë gjetur dhe ndaluar. Armiqtë tanë nuk do të na ndajnë” shtoi ai.
