Një sulm tjetër ka ndodhur këtë të premte në Paris, pranë ish-zyrave të redaksisë së Charli Hebdo në Paris, pikërisht në vendin ku ndodhi një sulm terrorist në vitin 2015 pas publikimit të karikaturave të profetit të myslimanëve Muhamedit, nga gazeta satirike.
Në lidhje me këtë ngjarje policia arrestoi një person, me emrin Hassan Ali, i cili mësohet se është autori i sulmit të së premtes ku kishte regjistruar edhe një video dy-minutëshe para sulmit pranë ish-selisë së satirikes Charlie Hebdo. Në bazë të burimeve të hetuesve, në video Aliu duket shumë i tronditur, pothuajse në lot, për “karikaturat e profetit Muhamed”.
Gjithashtu në videon e zbuluar në shtëpinë e tij nga hetuesit, Ali thotë: Sot, e premte 25 Shtator, unë do të dënoj fajtorët.
Policia franceze deklaroi dje se kishte ndaluar një individ i cili besohet të ketë qenë dikur shok dhome me personin që sulmoi dy njerëz në Paris pranë ish-zyrave të revistës satirike “Charlie Hebdo”.
Po të premten, ditë kur ndodhi ngjarja e rëndë la të lirë një algjerian 33-vjeçar, i cili ishte dëshmitar dhe kishte “ndjekur sulmuesin”, pasi hetuesit vërtetuan pohimet e tij.
Deri mëngjesin e së shtunës 7 njerëz ishin të ndaluar në lidhje me sulmin e së premtes, përfshi të dyshuarin si autor të sulmit. Sulmuesi u identifikua 18-vjeçari Hassan Ali nga Pakistani, i cili kishte arritur në Francë para tre vitesh si i mitur i pashoqëruar.
Përmes një interviste në stacionin televiziv “France 2”, ministri i Brenshëm francez Gerald Darmanin tha se sulmi ishte, qartësisht një akt terrorizmi islamik.
“Në mënyrë të dukshme, ishte metodë e një terroristi islamik. Nuk ka dyshim se ky është një sulm i ri i përgjakshëm kundër vendit tonë, kundër gazetarëve, kundër shoqërisë tonë.”- tha zoti Darmanin.