Stuhia dëmton rrjetin elektrik, këto janë qytetet me problemet më të mëdha

Google+ Pinterest LinkedIn Tumblr +

Mbrëmjen e djeshme moti është përkeqësuar në disa zona të Shqipërisë, ku stuhirat e rreshjet e dendura kanë sjellë edhe shumë dëme në këto zona.

OSHEE ka njoftuar ditën e sotme se do ketë ndërprerje të energjisë elektrike për shkak të dëmtimeve në rrjet, por edhe se po punohet për këto dëmtime.

Defekte janë vërejtur në Burrel, Shkodër, Krujë dhe në Lezhë.

E ndërsa dy ditë më parë në Shqipëri temperaturat e larta në Shqipëri kanë kapur vlera maksimale, ndaj edhe ndryshimi i klimës i ka gjetur shumë njerëz të papërgatitur.

Njoftimi i OSHEE:

Për shkak të motit të keq gjatë natës se mbrëmshme dhe në vazhdim, janë dëmtuar disa linja tension i mesëm dhe rajonet me te prekura nga defektet janë Burreli, Shkodra dhe Durrësi (zona e Krujës).

Stuhia e natës, e shoqëruar me shkarkesa atmosferike, shkaktoi rrëzim të pemëve mbi përcjellësit elektrik, duke i këputur.

Rrjeti është dëmtuar edhe nga materiale të forta për shkak erës. Problematike paraqitet situata edhe në Lezhë.

Prej orëve të para të mëngjesit, brigadat e terrenit po punojnë intesivisht për riparimin e defekteve dhe kthimin e gjendjes në normalitet ne kohe sa më të shpejtë.

Shpërndaje
Share.

Komento