Prej fillimit të janarit studentët janë ngujuar në fakultetet përkatëse duke bllokuar bërjen e mësimit, por dita e nesërme shënon një kthesë të rëndësishme.
Ditën e nesërme është vendosur që protesta të zhvendoset pranë Ministrisë së Arsimit. Sipas studentëve tashmë duhet të kthehen atje ku e nisën për të treguar se asgjë ska përfunduar dhe se nuk janë dakort me të famshmin “Paktin për Universitetin”.
Protesta do t’i kthehet strategjisë me të cilën e pati zanafillën dhe studentët kanë vendosur që të mblidhen në fakuletet përkatëse dhe të marshojnë drejt Ministrisë së Arsimit në orën 11:00 dhe më pas drejt Kryeministrisë në orën 13:00.
“Pakti për Universitetin” sipas tyre nuk zgjidh plotësisht kërkesat që kanë, ndaj edhe për këtë arsye protesta do të vazhdojë, ku fokusi tashmë është tek shfuqizimi i Ligjit për Arsimin e Lartë.
